Það er enn dimmt

og dropar úr lofti.

Lágvær kitlandi niður

þegar regnið lendir í vatninu.

Ég syndi á milli dropanna,

sem gera mjóar súlur á vatnsyfirborðið.

Sumar upp undir þriggja sentimetra háar.

Laugarbirtan fyllir súlurnar ljósi neðan frá

meðan þær birtast og hverfa, hver sekúndu í senn

og ég syndi í gegnum þrívíddarsinfóníu fyrir augun.

 

Höfundur: Sesselía Ólafsdóttir

 

Sesselía mun lesa upp ljóð á morgun, sunnudaginn 9. september kl. 14, á Listasafni Akureyrar. Upplesturinn er hluti af upplestrarröðinni Til málamynda, sem verður í Listasafni Akureyrar alla sunnudaga í september klukkan 14, þar sem ljóðskáldin munu eiga í samtali við valin verk og reyna að búa til nýja tilfinningu, nýja upplifun, nýtt pláss í huga þeirra sem vilja ljá augu og eyru. Hér má lesa nánar um upplestrarröðina.

Auglýsingar