Landamæraerjur, dúfur og vampírur: Menningarvikan 9-15 október

Það verður nóg um hátíðir um næstu helgi. Bíóþyrstir geta farið vestur, hvort sem er á Ísafjörð eða Patreksfjörð, til að fylgjast með kvikmyndahátíð dúfunar, eða PIFF og í Reykjavík verður bæði hægt að fara á listhátíðina Sequences og barnabókahátíðina Mýrin. Vonarstjarna Akureyrar, Drengurinn fengurinn, mætir í Hörpuna, ljósmyndasýning verður haldin með áherslu á einhverfa sýn og Egill Sæbjörnsson opnar nýja sýningu og í Paradísarbíóinu við Hverfisgötu verður umdeildasta mynd seinna tíma í Póllandi frumsýnd og þar mun einnig barnung vampíra tæla ungan pilt til fylgilags við sig.

Mánudagur 9. október

Málþing um Barnabókasafn Íslands: Til hvers – Fyrir hvern?

16.00 Félagsmiðstöðin í Hæðagarði 31

Þarf Ísland sérstakt barnabókasafn? Þeirri spurningu verður varpað frá á þessu málþingi, þar sem Guðni Th. Jóhannesson flytur ávarp og setur þingið, sem hinn reyndi barnabókahöfundur Ragnheiður Gestsdóttir mun stýra. Ásmundur Einar Daðason, Mennta- og barnamálaráðherra, ávarpar þingið, en þegar pólitíkusarnir hafa lokið sér af taka ótal athyglisverðir fyrirlestar við.

María Hjálmtýsdóttir er formaður Félags um barnabókasafn og veltir fyrir sér nauðsyn slíks safns, Elfa Lilja Gísladóttir gluggar í sögu barnamenningar á Íslandi og veltir fyrir sér hvað hefur áunnist á síðustu misserum? og Bergrún Íris Sævarsdótti flytur fyrirlesturinn Að fletta upp í fortíðinni. Næst er röðin komin að Hildi Knútsdóttur með fyrirlesturinn Orð af orði og svo er það Dýrmætasta draslið, fyrirlestur Margrétar Tryggvadóttur. Mæðgurnar Sigþrúður Gunnarsdóttir og Silja Aðalteinsdóttir eru svo síðastar á mælendaskrá, Sigþrúður fjallar um Barnabækur í barnabókum, þar sem hún grúskar í sagnaheimi Guðrúnar Helgadóttur, og Silja er með fyrirlesturinn Íslenskar barnabækur – hluti af menningararfinum, en Silja samdi svo frægt er orðið einna fyrstu fræðibækurnar um íslenskar barnabækur.

Það er líka nóg að gera í barbabókunum þessa vikuna, en ef þið skrollið niður á fimmtudag má þar finna umfjöllun um Mýrina.

Facebook-viðburður

Bókmenntakvöld – Stóri bróðir eftir Skúla Sigurðsson

19.30 Bókasafn Seltjarnarness

Facebook-viðburður

Þriðjudagur 10. október

Upprásin – Drengurinn fengurinn, Krownest og MSEA

20.00 Kaldalón, Hörpu

Upprásin er tónleikaröð tileinkuð grasrótinni í íslenskri tónlistarsenu og í þetta skiptið mætir sjálf vonarstjarna Akureyrar, Drengurinn fengurinn, einyrki sem hefur gefið út heilar átján breiðskífur það sem af er 2023, auk annara minni verka. Og árið er ekki búið enn. „Er búinn að gefa út 18 breiðskífur í ár held ég. Endar líklega a.m.k. í 20. Ég er one man army, Ason, eins og Ol Dirty Bastard. Mér finnst að ég ætti að fá peninga frá ríkinu fyrir vel unnin störf.“

Og hann verður með gott fólk með sér á sviði. „Þetta verður frekar töff! Ég verð ekki einn, heldur með tveimur hómís. Annar er nýbyrjaður að spila á bassa en stendur sig mjög vel. Hinn er sjóaður úr hljómsveitinni Miomantis. Þau eru góð að vilja spila með mér. Verðum svo með hressan trommuheila sem heitir Yamaha Rx120!“

En hvernig músík er þetta? „Textasmíðin einkennist af óslípuðuðum frásögnum af hversdagslegum og einlægum vangaveltum um Drenginn sjálfan, líðan hans og athæfi, heiminn og samfélagið í kringum hann,“ skrifar Hekla Björt Helgadóttir skáld og myndlistamaður og bætir við: „Þessum persónulegu lýsingum má líkja við dagbókarfærslur og í þeim má greina breitt róf mannlegra tilfinninga sem lýsa melankólíu, eftirvæntingu, gleði, gremju og sorg. Í gegnum frásagnirnar skín þó ávallt í glettni og skopskyn, þó drungi eða vonleysi séu til umfjöllunar.“

Einnig spilar harðkjarna þungarokksbandið Krownest, sigurvegarar Wacken Metal Battle á Íslandi árið 2023 og MSEA, sem lýst er sem martraðarpoppi, en hennar fyrsta stúdíóplata í fullri lengd, Our Daily Apocalypse Walk, er nýkomin út. Með henni spila Halla Kristjánsdóttir á bassa og syntha, Ægir Sindri Bjarnason á trommur og Silla Thorarensen syngur bakraddir og spilar á syntha.

Heimasíða / Facebook-viðburður / Miðasala

Jónas Sig & Lára Rúnars: Satsang & söngur

20.00 Móar stúdíó

Share this:

Like this:

Leave a ReplyCancel reply