Jólabókaflóðið er að bresta á og bókhneigðir geta nú komist í útgáfuhóf nánast á hverjum degi og sumir höfundar þeytast í upplestararferðir um land allt. Ítölsk listakona á Akureyri veltir fyrir sér sambandi manns og staðar og listar og þar mun svo Elías Rúni kenna myndasögugerð. Óperudagar taka á ólíklegustu hlutum á meðan Mausverjar fagna þrítugsafmæli sveitarinnar.
Menningarvikan hefst á því að leiklistarnemar flytja einleiki eftir samnemendur og líkur með japönskum bíómyndum í bíótekinu, þar sem gömlu fólki er fórnað. Allt þetta og öll menningin þar á milli má lesa um hér fyrir neðan.
Leiklestur fullur af lífi
20.00 LHÍ
Nemendur á öðru ári á Sviðshöfundabraut LHÍ hafa nemendur spreytt sig á skapandi skrifum undir handleiðslu Hlínar Agnarsdóttur og lokaafurð áfangans er þrettán splunkuný sviðsverk, leiklesin af leikaranemum á öðru ári. Hvert verk er um tíu mínútur að lengd og fer leiklesturinn fer fram í stóra Blackboxi Listaháskólans í Laugarnesi. Frítt er á viðburðinn og gengið inn um inngang af efra bílaplani.
Heimasíða / Facebook-viðburður
Tríó Sól – Cantus Animalia
20.00 Kaldalón, Hörpu
Heimasíða / Facebook-viðburður / Miðasala
Þriðjudagur 17. október:
Skrímslavinafélagið – útgáfuhóf
16.30 Bókabúð Forlagsins
Þriðjudagsfyrirlestur: Elena Mazzi
17.00 Listasafn Akureyrar
Ítalska myndlistarkonan Elena Mazzi flytur fyrirlestur um rannsóknir sínar á sambandi manns, náttúru og menningar. Í vinnu sinni endurtúlkar hún menningarlega arfleið staða og fléttar inn í það sögum, staðreyndum og fantasíum sem sprottnar eru í nærsamfélögunum í þeim tilgangi að nálgast lausnir í togstreitu manns og náttúru. Með mannfræðilegum vinnuaðferðum leitast hún við að finna heildræna nálgun sem miðar að því að brúa gjár samfélagsins. Elena segir einnig frá nýlegum verkefnum sínum eins og verkinu Polar Silk Road.
Aðrir fyrirlesarar haustsins á Listasafni Akureyrar eru svo þau Zoe Chronis, Magnús Helgason, Kristín Elva Rögnvaldsdóttir, Heather Sincavage og Rainer Fischer.
Heimasíða / Facebook-viðburður
Tónleikar Skólahljómsveitar Árbæjar og Breiðholts
17.00 Borgarbókasafnið Árbæ
Heimasíða / Facebook-viðburður
Men eftir Sigrúnu Pálsdóttur – útgáfuhóf
17.00 Smekkleysa
Heimasíða / Facebook-viðburður
Ensemble Masque – Tónar og tár: Hið áhugaverða líf Feneyjatónskáldsins Barböru Strozzi
19.30 Norðurljós, Hörpu
Heimasíða / Facebook-viðburður / Miðasala
Góðgerðartónleikar: GDRN, Salka Sól og DJ Dóra Júlía
19.30 Sky Lagoon
Miðvikudagur 18. október:
Málleysingjarnir – endurútgáfa, útgáfuhóf
17.00 Eymundsson Austurstræti
Heimasíða / Facebook-viðburður
Heimsmeistari eftir Einar Kárason – útgáfuhóf
17.00 Sólon
Heimasíða / Facebook-viðburður
Maður í eigin bíómynd – útgáfuhóf
17.30 Bíó Paradís
Það er eitt þema jólabókaflóðsins að kvikmyndaleikstjórar skrifi bækur. Þorsteinn Jónsson gaf nýlega út minningabókina Vordagar í Prag og nú er Ágúst Guðmundsson, leikstjóri Lands og sona, Með allt á hreinu og Útlagans, að gefa út skáldsögu um kollega sinn Ingmar Bergman. Í sögunni er Bergman 31 árs gamall fimm barna faðir og fer til Suður-Frakklands að skrifa kvikmyndahandrit, sem veldur uppnámi í hjónabandinu. Í sólinni fer handritið að fjalla að verulegu leyti um þetta stormasama hjónaband, þar sem höfundurinn gerir frekar lítið úr sjálfum sér en hefur eiginkonuna í dýrlingatölu.
Heimasíða / Facebook-viðburður
Stop Making Sense – 40 ára afmælissýningar
19.00 Bíó Paradís
Heimasíða / Facebook-viðburður
RVK Poetics #5
19.30 Mengi
Ragga Gröndal Oktett á Múlanum
20.00 Kaldalón, Hörpu
Heimasíða / Facebook-viðburður / Miðasala
Nansen
20.00 Sauðfjársetur á Ströndum
Ya-Ha-Hass Queen! Halloween Drag Show
20.00 Gaukurinn
Fimmtudagur 19. október:
Sneiðmynd – Fraser Muggeridge
12.00 LHÍ
Heimasíða / Facebook-viðburður
Kvöldstund með Jasminu og Özru
14.00 Hannesarholt
Heimasíða / Facebook-viðburður
Óperudagar
17.00 Mjódd, Harpa o.s.frv.
„Við erum öll“ er yfirskrift Óperudaga í ár og vísa í áherslu á söng- og óperuverkefni sem eiga það sameiginlegt að vilja auka inngildingu og/eða þátttöku mismunandi hópa á einhvern hátt. Á fjölbreyttri dagskránni má finna teknóóperu og dragóperu, sem og óperu fyrir áhrifavalda (Síminn) og gamansama kammerópera um skandinavíska velferðarkerfið (Systemet). Svo má nefna Líf og dauða, sem er matar- og söngveisla í anda hins mexíkanska „Dags hinna dauðu.“
Einnig er töluvert sótt í heimsbókmenntirnar sem og enn óútkomnar bækur á hátíðinni og koma Shakespeare, Kafka og Elísabet Jökuls þar öll við sögu. Kafka Fragments er verk sem byggt er á þankabrotum úr bréfum og dagbókarfærslum Franz Kafka og Ástin ein taugahrúga, enginn dans við Ufsaklett er ný kammerópera eftir Önnu Halldórsdóttur við ljóðabók Elísabetar Jökulsdóttur. Þá verða ný lög samin við sveppaljóð Melkorku Ólafsdóttur úr bókinni Flagsól, sem kemur út seinna í haust. Ríkharður III er ópera sem enn er í smíðum, byggð á leikriti Shakespeare, en gestir geta fengið heyra brot af því sem er tilbúið. Eins verður boðið upp á ævintýraóperur um Þyrnirós og Gilitrutt og öróperan Busy byggir á texta A.A. Milne, höfunds Bangsímons.
Heimasíða / Facebook-viðburður
Shoptalk #2
17.00 Norræna húsið
Heimasíða / Facebook-viðburður
Ola – venjulegur óvenjulegur gaur
17.00 Bíó Paradís
Heimasíða / Facebook-viðburður
Armeló – útgáfuhóf
17.00 Loft Hostel
Heimasíða / Facebook-viðburður
Skilta-hugarflug fyrir kvennaverkfallið 2023
19.00 Þjóðarbókhlaðan
Eric Lu leikur Mozart – Sinfóníuhjómsveit Íslands
19.30 Eldborg, Hörpu
Heimasíða / Facebook-viðburður / Miðasala
Vinamót: Pirkanpojat Boy’s Choir, Gradualekór Langholtskirkju og Drengjakór Reykjavíkur
20.00 Langholtskirkja
Heimasíða / Facebook-viðburður
Ari Árelíus, Andervel & Cort Lunde
20.00 Gaukurinn
Ólöf Arnalds snýr aftur úr stúdíói
20.00 Mengi
Mugsion
20.00 Kaffi Flóra
Jón Ólafs – af fingrum fram með honum sjálfum – Sóli Hólm spyrill
20.30 Salurinn, Kópavogi
Heimasíða / Facebook-viðburður / Miðasala
Maus 30 ára
21.00 Gamla bíó
Árbærinn í Reykjavík, árið er 1993 og nokkrir piltar hittast og stofna hljómsveit. Þeir spiluðu í fyrsta skipti á tónleikum þá um sumarið og unnu Músíktilraunir árið eftir – og þannig varð hljómsveitin Maus til. Þeir gáfu út fjórar breiðskífur árin á eftir, Allar kenningar heimsins… …og ögn meira, Ghostsongs, Lof mér að falla að þínu eyra, Í þessi sekúndubrot sem ég flýt og loks Musick, en árið 2004 lagðist sveitin í dvala, en hefur frá árinu 2013 rumskað nokkuð óreglulega, til þess að fagna vinskap og höfundarverki hópsins, helst í kringum endurútgáfur platna þeirra á vínyl. Mausarar fagna afmælinu með því að spila sín vinsælustu lög auk vel valinna laga af plötunum fimm.
„Það er búið að vera mikið maus að undirbúa þessa tónleika,“ segir Birgir Örn Steinarsson, söngvari og gítarleikari sveitarinnar. „Það skiptir okkur máli að þetta verði einstakur viðburður, því það eru engin plön um að spila saman aftur. Okkur langar þess vegna til þess að gera þetta vel. Þetta verður sett upp eins og leiksýning, í tveimur hlutum með hlé. Lagalistinn er samansettur af öllum ferlinum. Sum lögin höfum við ekki spilað í um 20 ár. Við verðum allir með hljóðnema og ætlum að segja sögur af lögunum – eða af sveitinni sjálfri. Eftir tónleikana ætlum við að gefa okkur tíma til þess að sjá framan í og heilsa upp á gesti. Við sjáum þetta sem afmælisveislu, partý og erfðardrykkju … allt í senn … einu sinni enn.“
Það má svo hita upp með að rifja upp einn Maus-smellinn hérna, í síðasta föstudagslagi.
Angurværð
21.00 Græni hatturinn, Akureyri
Heimasíða / Facebook-viðburður
Pétur Jóhann uppistand
21.00 Múlaberg, Akureyri
Moskvít
21.00 Caffe Bristól, Þorlákshöfn
Föstudagur 20. október
Elon Musk, goðsagnir um málfrelsið og daður við öfga-hægrið
12.00 Oddi, HÍ
In Search for Unknown Spaces – Hye Joung Park
13.00 LHÍ
Heimasíða / Facebook-viðburður
Menningararfur í sýndarheimum
14.00 Veröld – Hús Vigdísar
Öll nema fjórtán – útgáfuhóf
17.00 KSÍ Laugardalsvelli
Heimasíða / Facebook-viðburður
Stríðsbjarmar Vals Gunnarssonar – útgáfuhóf
17.30 Salka bókabúð
Valur Gunnarsson gaf út Bjarmalönd ári áður en Rússar réðust inní Úkraínu, nú er framhaldið að koma út.
Stríðsbjarmar – Úkraína og nágrenni á átakatímum fjallar um hvernig það er auðvelt að sleppa stríðum lausum en erfiðara að enda þau. „Og í raun lýkur þeim aldrei, ekki á meðan síðustu eftirlifendurnir draga enn andann. Stríð breytir öllu, mótar allt. Það lifir enn í hjörtum fólks löngu eftir að sprengjurnar hætta að falla. Og erfist stundum til næstu kynslóða.“
Valur ferðaðist um Úkraínu þvera og endilanga eftir að stríðið braust út, frá Lviv til vestri til Kharkiv í austri, frá Odesa í suðri til Kyiv í norðri. Loks hélt hann til vígstöðvanna í Donbas rétt eftir að gagnsóknin hófst um haustið. Valur komst heilu og höldnu heim en stríðið hélt áfram og Valur fór aftur til Úkraínu sumarið eftir þar sem stríðsbjarmarnir loguðu enn. Stríð var orðið eðlilegt ástand og þó svo óeðlilegt um leið, venjulegt líf hélt áfram við hlið hins óhugsandi. Mitt í öllum hörmungunum mátti sjá þjóð verða til.
Stríðsbjarmar er saga þjóðar í stríði en jafnframt rúmlega þúsund ára saga Úkraínu, allt frá víkingum og kósökkum til keisaravelda og Sovétríkja og loks sjálfstæðis en þó enn meiri átaka. Valur hefur dvalið í Úkraínu bæði á friðar- og stríðstímum. Stríðsbjarmar er að mestu rituð þar í landi undir ómi loftvarnaflauta.
Heimasíða / Facebook-viðburður
Margrét Eir
19.00 Bæjarbíó
Heimasíða / Facebook-viðburður / Miðasala
Teprurnar – forsýning
20.00 Borgarleikhúsið
Jazz í Djúpinu: HG & Brothers
20.00 Djúpið
Skúli Sverrisson með Davíð Þór og Ólöfu Arnalds
20.00 Mengi
Tónleikar – The Piano Alchemy – Alessandra Toni og Kiann
20.00 Hannesarholt
Heimasíða / Facebook-viðburður / Miðasala
Ásgeir Trausti
20.00 Bíóhöllin, Akranesi
Trúbadorkvöld með Kalla Hallgríms
20.00 Vínstofa Friðheima, Selfossi
Moskvít
21.00 Eyvindartungu við Laugarvatn
Purple Rain – föstudagspartísýning
21.00 Bíó Paradís
Heimasíða / Facebook-viðburður
Gildran
21.00 Græni hatturinn
Heimasíða / Facebook-viðburður
Stebbi JAK
21.00 Frystiklefinn Rifi
Laugardagur 21. október
Langspilssmiðja Eyjólfs
13.00 Salurinn, Kópavogi
Heimasíða / Facebook-viðburður
Myndasögur – listvinnustofur með Elíasi Rúna
13.00 Listasafnið á Akureyri
Elías Rúni er myndasöguhöfundur, myndlýsir og grafískur hönnuður og gaf meðal annars nýlega út myndasöguna Kvár auk þess að myndskreyta bækur á borð við Frankensleiki og Smáralindar-Móra, sem kemur út núna í haust.
Á námskeiðinu verður þátttakendum boðið að gera tilraunir með myndasöguformið og kynnast ólíkum leiðum til að segja sögur í myndum með áherslu á skapandi form og frásögn. Innblástur verður sóttur í þætti í umhverfinu og úr hversdagsleikanum, sagna leitað í minningum og því sem er efst á baugi í samfélaginu. Vinnustofunni lýkur með sýningu í safnfræðslurými Listasafnsins.
Heimasíða / Facebook-viðburður
Náttúrulögmálin: Upplestrarferðin
16.00 Byggðasafn Vestfjarða
Það er vissulega ekki þverfótað fyrir útgáfuhófum þessa dagana, en Eiríkur Örn Norðdahl lætur eitt partí ekki duga þegar hann getur farið á upplestrartúr um landið. Tilefnið er Náttúrulögmálin, söguleg skáldsaga sem gerist á Ísafirði fyrir tæpri öld síðan, og hefst enda upplestarferðin fyrir vestan.
Bókarúnturinn er svo sem hér segir:
Ísafjörður, Flateyri, Suðureyri, Haukadalur, Bolungarvík, Bíldudalur, Patreksfjörður,
Hólmavík, Blönduós, Dalvík, Siglufjörður, Akureyri, Húsavík, Egilsstaðir, Borgarfjörður eystri, Reyðarfjörður, Eskifjörður, Breiðdalsvík, Neskaupsstaður, Djúpivogur, Höfn í Hornafirði, Hvolsvöllur, Vestmannaeyjar, Selfoss, Ölfus, Reykjavík, Akranes, Hafnarfjörður, Grindavík, Stykkishólmur og svo aftur Ísafjörður.
Þetta mun allt saman taka tæpan mánuð og hér má finna ítarlegri upplýsingar um hvern stað og hvern upplestur og sums staðar munu óvæntir gestir líta við.
Eiríkur er búinn að fylla bílinn af bókum, búinn að leigja sér posa, fylla áritunarpennann af bleki, fjárfesta í millistykkjum fyrir allra handa skjávarpa, láta prenta bókamerki (sem fylgja frítt með seldum bókum), panta tíma í dekkjaskipti fyrir bílinn, gera yfirlit yfir hvar sé best að fara í sund, pússa spariskóna og strauja skyrturnar. Og vonandi líka búinn að finna rótara, þótt það komi ekki fram í blogginu.
Heimasíða / Facebook-viðburðir á heimasíðu
Messa heilagrar Sesselju – Söngsveitin Fílharmónía
17.00 Langholtskirkja
Heimasíða / Facebook-viðburður / Miðasala
Takk Takk eftir brúðuleikhópinn Fras frá Tékklandi
17.00 Stúdíó Handbendi, Hvammstanga
Heimasíða / Facebook-viðburður
Cell7, Dúkkulísur, Kolrassa Krókríðandi og Salóme –
20.00 Bæjarbíó
Heimasíða / Facebook-viðburður / Miðasala
Þarf alltaf að vera grín? LIVE SHOW
20.00 Hof, Akureyri
Minningartónleikar um Skúla Einarsson, bónda og tónlistarmann
20.00 Félagsheimilinu Hvammstanga
Dazed & Confused – 30 ára afmælispartísýning
21.00 Bíó Paradís
Bestu kynslóðamyndirnar koma stundum 20 árum eftir að téð kynslóð sleit barnsskónum. Það var tilfellið með American Graffiti í sjöunni, sem fjallaði um fiftís-unglinga, og Dazed and Confused í níunni, sem fjallaði um seventís unglinga. Það tók Dazed and Confused líka drjúgan tíma að verða költ-klassík, hún var lengi aðallega þekkt sem fyrsta mynd leikara á borð við Matthew McConaughey, Joey Lauren Adams, Milla Jovovich, Adam Goldberg, Ben Affleck, Parker Posey, Nicky Katt og Renée Zellweger – en núna er þetta orðið partí sem enginn nostalgískur bíónörd getur misst af.
Heimasíða / Facebook-viðburður
GDNR
21.00 Græni hatturinn
Heimasíða / Facebook-viðburður
Sunnudagur 22. október:
Taktur (& Tónfjöður)
13.30 Salurinn, Kópavogi
Heimasíða / Facebook-viðburður / Miðasala
Mömmuskipti – útgáfuhóf
14.00 Eymundsson Kringlunni
Heimasíða / Facebook-viðburður
Bíótekið: Humanity and Paper Balloons
15.00 Bíó Paradís
Bíótekið verður með japanskan sýningadag þar sem þrjár klassískar verðlaunamyndir frá Japan verða sýndar. Fyrst sjáum við Mannskepnan og pappablöðrur er frá 1937, sem gerist í fátækrahverfi í Japan á 18. öld, fjallar um Shinza, kærulausan fjárhættuspilara og Unno, sem er sonur frægs samúræja en hefur misst öll forréttindi eftir fráfall föður síns og berst fyrir því að endurreisa heiður sinn.
Næst á dagskrá er Sansho fógeti, Sanshō Dayū, þar sem leikstjórinn leitar enn lengra aftur í fortíðina, alla leið til japönsku miðaldanna þar sem miskunnsamur og virtur ríkisstjóri er dæmdur í útlegð og fjölskyldu hans sundrað.
Loks verður svo sýnd Ballaðan um Narayama frá 1983, sem fékk Gullpálmann í Cannes og fjallar um hina 69 ára gömlu Orin, sem býr í litlu afskekktu þorpi í Japan á 19. öld, þar sem lífsbaráttan er hörð og fólkið örvæntingarfullt og grimmt. Hefð er fyrir því að við sjötíu ára aldur sé fólki vísað til fjalla í einsemd og hungurdauða.
Það er svo í takt við efni síðustu myndarinnar að Gunnella Þorgeirsdóttir mun flytja erindi um Ubasute, sem er heiti yfir nokkurskonar útburð eldra fólks í Japan.
Heimasíða / Facebook-viðburður
Sígildir sunnudagar: Tónlist eftir Poulenc
16.00 Norðurljós, Hörpu
Heimasíða / Facebook-viðburður / Miðasala
Bíótekið: Sancho the Bailiff
17.00 Bíó Paradís
Heimasíða / Facebook-viðburður
Bíótekið: The Ballad of Narayama
19.30 Bíó Paradís
Heimasíða / Facebook-viðburður
Viltu meira Menningarsmygl?Hér geturðu gerst áskrifandi á Karolina Fundog þar með tryggt framtíð miðilsins.
Hér er svo póstlisti svo þú fáir menningardagatalið beint í pósthólfið.
Texti: Ásgeir H Ingólfsson